新歌鎖定謝安琪!麥浚龍:第一時就諗起佢

20150723
東網電視
更多新聞短片
麥浚龍直言第一時間諗起謝安琪合唱新歌《羅生門》,覺得佢同個故事好夾!
歌手麥浚龍(Juno)將於8月底推出新EP,除了頭炮找來莫文蔚(Karen)合唱《瑕疵》,還邀請到女神謝安琪(Kay)合唱新歌《羅生門》,推出短短幾日已經成為網民熱話。Juno透露Kay是自己鎖定的女主角之一,並解釋找Karen跟Kay合作的因由:「由十年前嘅《耿耿於懷》開始,聽眾從主人翁(男孩)去聽去睇佢嘅愛情故事。十年後,大家聽《念念不忘》時亦喺同一主人翁身上,了解佢成長後嘅感情狀況。而《羅生門》係一首有關十年前那前任伴侶嘅故事,想搵一個同Karen感覺、味道完全相反嘅女歌手嚟演呢個角色,第一時就諗起Kay,一直認為她嘅聲線存在一種不捨。」
Kay就指收到Juno的邀請時感到十分意外,更覺得意想不到的事情才會有火花,還透露一直都很欣賞Juno:「佢係一個有品味有自己思想、風格嘅人,而我唱片主題好少純愛情故事,Juno呢個構思一直係我好想做嘅,我亦好鍾意首歌嘅出發點!」另外,由Juno執導的新EP,一系列的MV都是以一鏡到尾的手法拍攝,而拍攝《羅生門》因為Kay跟Juno的走動比較多,所以特別複雜,更拍攝了十多個小時。