麥明詩失手露毛勁驚訝：意外都發生咗

《2015香港小姐競選》12位佳麗下午首度以泳裝示人，大熱佳麗1號麥明詩（Louisa）明顯又減磅，更被發現下體露毛，相當尷尬！問到有否發現露毛？Louisa得知後相當驚訝，顯得一臉茫然，收拾心情後即說：「希望大家唔好將焦點放喺嗰度。（失手？）已經盡量做足防走光措施，但係意外都發生。（之前日本外景都試過走光？）自己係粗心大意，會再加注意。」

放眼12位佳麗，Louisa可說是眾女中最瘦削，問會否覺得自己太瘦？她說：「燕瘦環肥啫，自己都正常飲食，都係瘦咗啲啲。（壓力太大？）壓力都ok，依家比之前輕鬆咗。（考慮增肥？）自己都試過，但都係失敗。（屋企人心疼？）媽咪特別心疼。 (覺得今日嘅泳裝冇睇頭？）密實都係好事，之後會有更多驚喜。」談到被起底公開泳裝舊相，她說：「出現番都覺得好奇怪，參選嗰陣已經delete咗張相。」