陳豪早睡早起似農民　田蕊妮讚生產力強

藝人田蕊妮（阿田）、陳豪及胡定欣等於將軍澳宣傳無綫劇集《鬼同你OT》。對於截至昨日該劇錄得最高收視29點（約1,875,140觀眾收看），阿田及陳豪齊聲表示興奮！

陳豪唔敢挑戰「神同步」

談到合拍的阿田與定欣於劇中演出「神同步」而獲網民狂讚，阿田笑言要與定欣組成「TVB Twins」：「好喎！整首歌，叫埋陳豪扮TV Bubby喺我哋中間跳舞！」而陳豪笑稱不敢挑戰「神同步」：「我驚我（扮得）高得滯！（你又試演神同步？）Of course…not（當然不會）！」

阿田讚：好Productive

問陳豪兩位寶貝兒子有否欣賞其演出？他表示囝囝於晚上八時已入睡，故沒機會看到：「唔睇得電視！佢哋8點就瞓着覺，我哋都9點就瞓。」阿田則取笑陳豪早睡早起似足農民，陳豪自認因此全無社交生活。阿田即稱讚集中精力接連生B：「佢好Productive（生產力強勁）！」而習慣早睡的陳豪自爆日常靠飲咖啡及進食以驅趕睡魔，阿田說：「好憎佢！喺我旁邊食，佢收工仲要買多盒炒麵返去食！」