張栢芝孖張崇德劉美娟玩親子樂

東網電視

兩家人玩到咁開心，栢芝（左二）一手抱住Quintus（左一），同Lucas（左三）同張崇德一家落水濕身！

同兩個仔仔Lucas同Quintus定居新加坡嘅張栢芝，不時都畀人見到三母子周圍去玩，近日趁住炎炎夏日放暑假，栢芝仲帶埋仔仔同張崇德和劉美娟一家四口去水上樂園玩水消暑，張崇德喺微博上載眾人玩水時嘅合照，仲透露栢芝被瘋狂集郵，佢話:「昨天去完馬來西亞，今天回到新加坡聖淘沙繼續玩。除了在水上樂園玩之外，仔女最開心的是又可以和海豚玩。今日大人和小朋友都玩得很開心，可憐的是栢芝又被瘋狂集郵了」見栢芝抱住戴泳鏡嘅Quintus，而Lucas就笑到見牙唔眼，睇嚟佢哋同張崇德一家玩得好開心喎！

on.cc東網