胡杏兒簽約蕭定一？李美琪想跟對方學嘢

近日頻頻於公開活動亮相的「牛雜妹」李美琪（Monnie），與徐佳琦（Jackie）、廖殷曼（Hilary）等出席電影慈善場時，被問到是否豬籠入水？她笑謂：「數字都樂觀，但錢唔係最主要，我想接觸多啲唔同嘅工作、認識更多新嘅人，畀自己適應吓呢個圈子。」Monnie指酬勞均交由家姐洽談，但平時也會給予父母家用：「以前搵一萬都會畀四千蚊爸爸，佢依家反而擔心我唔夠錢，因為做呢行要裝身、打扮下。」她又稱日內會決定簽約新公司，希望可以拍電影。

對於有傳胡杏兒簽約蕭定一（阿一）公司，Monnie表示有機會也想向對方學演技，更大讚杏兒是個出色的演員：「一間公司有資源、能力簽一啲有potential嘅藝人的話，對各方面發展都係一件好事。」

至於日前自稱單身的Jackie否認與馬國明拍拖，又表示目前工作為重，感情事則隨緣：「我以為唔講會好啲，點知唔講寫得仲差。（識個男仔唔使畀人寫？）有啲嘢急唔嚟。（恨拍拖？）個個女仔都想搵個有安全感，但緣份未到冇得心急。（馬明唔啱你？）大家都好忙。」