楊紫瓊預告年底結婚:最好靜靜雞

20150727
東網電視
更多新聞短片
楊紫瓊出席新蠟像揭幕,並甜絲絲表示希望今年年底或明年年初結婚。
國際影星楊紫瓊為其新蠟像揭幕,談到事隔15年,重新以《臥虎藏龍》角色造型打造蠟像,她笑言上次擺甫士比較易,但今次就搞足五粒鐘,並笑稱擺了五分鐘甫士已開始腳震。
楊紫瓊又指感覺其蠟像身形瘦削,她直言因忙拍戲清減不少,加上近期經常去旅行,早前就到了印度,在當地八日旅程中去了爬山、睇廟宇:「行山都行咗四千幾、五千米,頭幾日直頭起唔到身,又頭痛,要吸少少氧氣再跟人哋爬山。」她指法拉利總裁未婚夫Jean Todt未有同行,笑言擔心他行半日就要人抬落山:「佢依家好乖,應承咗我有樓梯就唔搭Lift,依家日日行都瘦咗。(為結婚作準備?)係,希望今年搞結婚。」
馬國香港開Party慶祝
楊紫瓊又表示要經常拍戲,故很難抽時間舉行婚禮,稍後又要接拍西片及美劇,昐能盡快回港拍港產片。問是否已計劃了婚禮地點和日子?她說:「未,因為爸爸去年底過身,所以要年底或年初先搞。(喺香港搞?)最好係靜靜雞結婚,再去每個地方開Party,因為一搞好大嘅婚禮就同朋友分享唔到,最緊要喺馬來西亞、香港開Party,到時一定會通知大家。」並謂工作目前排到11月初,下月六日生辰亦在工作中度過。