【唔使挺胸只需收腹】林盛斌晒老婆超豪乳

藝人林盛斌（Bob）去年密密接job，獲封為「吸金王」！賺賺埋埋咁多錢，梗係要搵個機會好好獎勵吓自己同老婆啦！阿Bob就揀咗同老婆去布吉旅行晒恩愛，仲自爆過去十年兩公婆都未去過咁遠喎！Bob話：「過去十年，未試過一齊去旅行，最遠去過澳門氹仔，問你怕未！今次豪住豪玩豪食布吉之旅，真係咩仇都報晒！」

Bob唔單止寫下「豪語」，仲大晒老婆嘅「豪乳」！平時Bob就鍾意整蠱造怪引人注意，不過今次終於輸畀老婆，雖然Bob嫂已經生過三位千金，但着起比堅尼上嚟，唔使挺胸，只需收腹，噴血身材仲唔搶晒「峰」頭？