陳偉霆內地爆紅　狄易達呻孤獨

歌手胡鴻鈞（Hubert）與狄易達於九展舉行音樂會，完騷訪問時講到兩人今日都特別感觸，Hubert直言：「都有少少眼濕濕，上次開類似show已經係2012年，對上次同許廷鏗，鄭俊弘開咗個拼盤，都係大半年前嘅事，今次都用咗長啲時間準備，想唱啲大家未聽過嘅歌。」

達仔則乘機為自己年尾舉行的音樂會賣廣告，透露今年年尾開騷會由過去1千人升呢到3千人：「今次算係個小前奏，之前都有同過William（陳偉霆）一齊表演過，今次就同Hubert，之前未試過，應該多啲依啲Crossover，好似VS咁好玩啲。」談到William現時在大陸一炮而紅，問到達仔可有覺得被比下去？他直言沒有因此而不開心，因為自己享受每一個表演，亦相信觀眾會欣賞自己的努力：「喺唔同方面發展會有唔同效果，但都希望以後會多啲跳舞歌，有時自己一個會覺得有啲孤獨。」

問到許廷鏗（Alfred）在台上表示看着Hubert的成長之路，就如自己的細佬長大成人一樣，Alfred笑言歌曲《最佳損友》真的很適合他們，他說：「我哋之前仲一齊度首歌，講番邊啲經歷係啱首歌，今次對佢嚟講都係個好重要嘅騷，希望嚟緊佢會再有多啲上台嘅機會。」