鄭欣宜高呼恨拍拖：我想識圈外人

藝人鄭欣宜到主題公園出席熊貓生日會暨慶祝熊貓長壽活動，眾人在台上齊齊切蛋糕。受訪時欣宜透露自己將來會生小朋友：「我想生好多個架！起碼兩個。（驚生一個會寂寞？）我係獨生，但又唔覺寂寞，因為好彩我有好多朋友，但都起碼想有個伴，樣樣一齊會開心啲，同埋我鍾意嘈，兩個就夠晒嘈，所以快啲祝我搵到個啱嘅對象。（依家冇男友？）冇呀，冇時間，我都想識，但依家工作又忙，嚟緊要拍電影，工作等咗七年終於開始忙，所以都開心。不過要識我想識圈外人，因為好似會幫我balance番，不過愛情呢啲都冇得揀，順其自然。」