網民熱話:「再世鄧麗君」現身《好聲音》

20150728
東網電視
更多新聞短片
今屆《好聲音》真係人才濟濟。
一代歌后鄧麗君雖然與世長辭廿載,但佢嘅歌聲依然影響唔少樂壇後輩!內地熱爆歌唱比賽節目《中國好聲音》第四季中,一位年僅十六歲,來自泰國嘅華裔少女朗嘎拉姆,選擇以鄧麗君經典歌曲《千言萬語》作賽,當佢一開聲,評判們包括台灣天王周杰倫(周董)、庾澄慶(哈林)、內地歌手汪峰及那英都即時豎起耳仔聽真啲,因為朗嘎拉姆無論聲線定唱腔,都十足「再世鄧麗君」,令只能夠聽聲冇樣睇嘅評判非常驚艷!
對於有得睇樣嘅網友嚟講就更加震撼,因為朗嘎拉姆連外貌都同鄧麗君有幾分相似!年紀輕輕嘅佢,能夠唱出鄧麗君嘅神韻實在唔簡單。朗嘎拉姆話自己只係學過一年中文,而佢除咗鍾意聽鄧麗君嘅歌,亦鍾意聽周董嘅歌,所以當日就同場加映,朗嘎拉姆獲邀即席同周董合唱一曲《千里之外》,重演周董前年喺演唱會上同鄧麗君嘅虛擬影像合唱場面,令人聽出耳油!
雖然可惜最終冇一位評判撳掣轉身,令呢位少女無緣晉級,不過仍然有唔少網友戥佢唔抵,亦有人指朗嘎拉姆已經成功透過呢個節目引起注意。佢嘅比賽片段至今已經有逾五十萬點擊率,所以即使比賽輸咗,但都贏得網友歡心,相信佢將來仍然有大把機會再表演!
網民有話兒:
AXX LXX:泰国合唱看哭了。好好好!
TXX CXX:她的歌聲聽起來有點像鄧麗君,但是她的口氣卻沒有鄧麗君那樣的細膩可以觸動人心!
bbXXX:請諒解四位評審,因為她們還未到鄧麗君的級數,不管人家是模仿也好,刻意炒作也好,一位來自泰國的16歲小女孩,她是要付出的,這樣的表現真的非常難得,加油加油,支持妳。
巡XX靈:這世界需要她的溫暖聲音。
阿XX貿:小妹妹的歌聲是蠻動聽的,不過,模仿天王或天后的歌聲要獲得評審的青睞是超困難的,就好比你會去買鄧麗君的唱片或這位小妹妹的唱片呢?心中的答案出來了吧!