反車翻騰N周半！苟芸慧珠海炒車片流出

藝人苟芸慧上周到珠海練車時發生意外，今日更有出事片流出，只見其跑車失控凌空360度翻觔斗數圈後才落地，可謂驚險萬分。

對於出事片流出，苟芸慧明顯事前並不知情，並表示：「相信係後面架車嘅攝錄機拍到，今次純粹係放假去學車同練車啫，係放假做私人事，已經同公司請咗假去練車，係想Upgrade自己，唔係去賽車。之後都有同經理人同公司講發生意外。（買保險？）每位玩過呢個活動嘅人都知有一定危險性，已買保險。」

無綫製作資源部總監樂易玲則表示，苟芸慧已向無綫請假到十月底，並謂知道她想考國際牌：「佢打畀我報平安，我仲笑佢『咁屎㗎』！今次冇事真係感恩，佢喺休息期間去學車，冇報備必要。」

機警護身保命

對於苟芸慧炒車後送院檢查身體無大礙，蓮花盃主辦單位負責人黃毅力接受《東網》訪問時表示，該出事車輛與一級方程式賽車設計一樣，車架可保護整個人的身軀，加上苟芸慧發生意外時，機警地做出恰當的保護動作，因此很好彩地能夠走出車廂。

而有玩開賽車活動的莊思敏，談及此事時表示：「意外間中都會發生，曾經目擊過更嚴重都有。我一向都有危機意識，佢係新手就更加要小心！」