萬綺雯向無綫大派定心丸：關係好好

藝人萬綺雯（蚊蚊）於鑽石山為舊書義賣活動擔任嘉賓，問到蚊蚊平日有否閱讀習慣？她笑言一開工就要背劇本而無暇看書。蚊蚊稱以往愛看愛情故事，近期則傾向看勵志書，以學習人生道理。

問到其老公陳十三會否陪她看書？蚊蚊即耍手擰頭，笑指要她看對方的書就似足返學：「佢睇嗰啲唔啱我架，佢寫劇本要睇歷史書！我睇我鐘意嘅書就舒服，睇佢嗰啲就似中學生上堂！」

談到已約滿的蚊蚊與無綫會否續約？她明言與公司保持緊密聯絡：「放埋暑假睇吓（身體）狀態先諗，雙方有共識，關係好好。（轉換合作模式？）之前（部頭約）已經好自由。」

提到日前出發歐遊的她會否趁有空再去旅行？心思思外遊的蚊蚊笑言要先與老公夾期：「睇老公時間，我都要留港拍廣告，要一齊度期去旅行！」