34歲胡定欣讚陳明道「好男人」

藝人胡定欣到寶林為無綫劇集《鬼同你OT》宣傳，對於有指她向公司請假與音樂人男友陳明道到新加坡度假，定欣說：「依家係放緊假，下個月要開新劇，所以趁有期時間去咗新加坡放假。（旅行甜蜜？）嗯！總之開心。」

定欣被指一改港女行為，希望在35歲前出嫁，她說：「每次都係用呢啲字眼放喺我嘅感情生活上，習慣晒，唔使澄清。總之佢好珍惜我，係一位好男士、好男人。（公開戀情壓力會冇咁大？）一向都冇壓力，我哋只係一齊咗一段短時間，想穩定啲再公開，同埋自己一向少講感情事。（恨嫁？）冇話恨唔恨，女仔去到適婚年齡就會想搵個適合嘅人。（男友係結婚對象？）未知，總之開心。明年就35歲，會畀心機。（同男友有共識？）未有，大家只係一齊半年多。」