鄭中基獲讚口技好

鄭中基（Ronald）與胡耀輝於新戲《猛龍特囧》中，有不少搞笑場面，其中一場，Ronald需要用口向胡耀輝餵藥，凌空對正胡耀輝的咀把藥吐下去，Ronald笑言這場戲好似武俠片，他謂：「武俠片好多時都會出現朋友中毒暈倒，跟着要咬碎啲藥餵對方，呢場戲好似呀。」

Ronald直言拍這場戲難度最高的是吐出來的藥水，要對正胡耀輝的口，「準繩度」要非常之高，否則吃NG就很麻煩，Ronald表示：「拍之前都幾緊張，（有無搵老婆幫手試下位？）無，反而用紙杯練，驚唔正，又要再嚟過，但好得意，你排嘅時候下下中，但到真正拍嘅時候都要拍兩次，拍第二次嘅時候，不容有失，因為吐之前要講一大堆對白要講，唔能夠再NG，我又驚同場嘅尹光忍唔到笑，所以要一擊即中。」

事後，胡耀輝則大讚鄭中基口技好，吐得相當準繩！而首次跟對方合作，覺得對方是一位非常好的演員，大家合作得相當愉快。