握手否認不和　岑麗香畀黑面洪永城嚇親

藝人岑麗香（香香）、洪永城（Tony），劉佩玥以及吳若希等一起到石峽尾球場為無綫劇集《實習天使》抵着烈日當空拍攝。

早前有報道指香香與Tony因拍劇鬧不和，致使香香慘被Tony黑面對待，今日二人特意拍手示好，向謠言say no！香香解釋其實Tony在劇中是魔鬼教官：「佢角色係長期黑面，我就係好人。」更稱平時見Tony都笑容滿面，第一次見佢黑面都被嚇驚。

Tony亦笑言自己少黑臉而做成反效果：「即係好似豹哥（單立文）咁！佢發惡你會笑！」他又謂當時並非用英文指罵香香教做戲，只是討論對白，香香即時在旁笑言：「I don't know what you say！」Tony亦即時自嘲英文差錯文法！不過他亦賣口乖讚香香感情戲演得好，決定要向她請教。