唔緊張第一次　陳凱琳未諗點慶祝男友生日

藝人陳凱琳（Grace）及徐肇平到屯門出席V city 2周年感謝慶典，替V city慶祝2歲生日，Grace爸爸亦有現身支持女兒，更捧着相機為女兒拍下不少照片留影。

求教黃淑儀學煮兩味

Grace自爆經常為朋友們製造生日驚喜，而問到本月15日是男友鄭嘉穎生日，亦是兩人拍拖後首次生日慶祝，是否已想好如何為鄭嘉穎製造驚喜？她說：「未知，始終分隔兩地，佢要喺橫店拍嘢拍到9月尾，依家諗到我頭都大埋。（會去橫店同佢慶生？）唔得，我都開咗劇，行唔開。（已經諗到點製造驚喜？）未呀，我都畀唔到！諗嘢送畀男仔好難，佢又唔鍾意食甜嘢，或者叫徐肇平媽咪（黃淑儀）教我煮番兩味，有機會煮畀佢食。」

徐肇平嘆冇運氣

徐肇平即表示：「好呀！我同Grace都係加拿大之友，不過返香港先識，我嘅好朋友曾經同Grace一齊工作。」問到在活動上連擲兩次骰，不論鬥大還是鬥小，都輸給小朋友，他說：「我冇乜運氣，尤其係今日，要踏實工作。（故意讓賽？）係啦！係啦！」Grace聞言即取笑他說：「我哋太老友啦，如果對佢太客氣，反而唔慣。」