香香諗唔掂邊度買樓：同一價錢香港得劏房

TVB花旦岑麗香出席劇集《樓奴》宣傳活動，身穿短裙玩遊戲的她非常投入，更不小心洩春光！戲中她的角色由外地返港，驚見香港的樓價出奇地高，問到角色是否度身訂做，她笑說：「都唔算，我諗好多人都會咁覺得，同一價錢喺外國買到好多間房嘅屋，香港就得劏房。」現在租樓住的香香表示正考慮在香港還是加拿大置業，因自己並非土生土長港人，買樓要加更多税，因此要考慮清楚：「或者會加拿大買樓再放租，應付香港租金，我來港工作四年，三年後先有三粒星，所以仲有三年時間計劃吓，大家唔好畀壓力我。（叫屋企人資助你？）父母有提議過，但我想佢哋退休後生活過得好啲，而且我比較獨立，想靠自己。（嫁個有錢人？）咦？呢個都係一個方法喎！不過唔係我嘅選擇。（學林夏薇閃婚？）冇咁嘅計劃，想一步一步嚟！」

對於好友苟芸慧日前賽車發生意外，香香表示有透過短訊慰問對方：「佢自己都話OK，我哋會為佢健康祈禱。」