否認「突然富貴」　性感朱晨麗唔驚走光

藝人朱晨麗（Rebecca）於沙田出席商場活動，身穿桃紅低胸短裙的她更晒出事業線性感示人！其後她即場獻聲時又high爆搔首弄姿，效果頗為「動感」！

Rebecca於受訪時笑言自覺不太性感，更直言早已做好打底措施：「ok（性感）啦！（活動中要烏身倒奶整甜品？）已黐晒膠紙防走光！（曾整甜品畀心儀對象？）so far未有，希望之後有機會！」

她表示已拍畢兩套無綫劇集，稍後會忙於為新劇《拆局專家》播出作宣傳。Rebecca又搞笑賣關子，透露自己劇中與袁偉豪有親密「屋企戲」。

談到與無綫的合約事宜，Rebecca坦言與無綫合作以來機會不斷：「有排都未完（約），長做呀！（有傳徐子珊可能約滿離巢，令你有更多機會？）公司不嬲好畀機會，事業上長做長有！（少咗人爭資源？）睇公司安排，都希望多啲其他機會！」

談到有指她「突然富貴」揮金買樓兼坐頭等艙，Rebecca說：「過咗去，冇呢啲事，唔回應喇！（坐頭等？）自己儲錢同家人去。」