陳凱琳認橫店探班有上男友露營車

藝人陳凱琳（Grace）在將軍澳東港城出席無綫節目《超強選擇1分鐘》「頒獎儀式」。有指Grace早前到橫店探男友鄭嘉穎班時，曾上男友租的露營車「密會」，她就指報道內容多屬虛構：「所以我唔會話太過敏感。」

但Grace坦言有上過該露營車：「不過去到嘅時候，好多時都同佢個助手周圍走影吓相，佢又要拍劇，所以冇點樣跟住佢，都係去食吓嘢咁。」問她住酒店是否與嘉穎同房？她謂：「唔好問啲咁嘅問題。」又指探班前有同父母交代，而報道曝光後亦未與男友聯絡。

談到好友陳瀅到溫家偉的雪糕店時與男友表示親密，問兩人是否拍拖？她笑謂：「咁大家都係圈中好友，支持吓佢都好正常。」