宣萱未諗返無綫拍劇:暫時未有時間

20150804
東網電視
更多新聞短片
宣萱都係話今年排滿咗啫,可能下年有仲機會。
藝人宣萱到唐樓拍攝以救火為主題的電台劇集,受訪時她透露今次在劇集中飾演救護員:「前日着咗一日制服,好開心。(唔辛苦?)救護員好啲,着短袖衫都ok,戲入面我都會救人,有真嘅救護總頭在場,所以我即場學。」但她又表示因為快拍完此劇而感失望:「啲消防員講拍埋今次應該係最後一集,因為冇嘢寫,好多case我哋都做過晒,游繩救人、救動物好多消防員會做嘅我哋都拍晒,所以除非特別啲故仔先有得再拍。」
講到有傳很多花旦約滿會離開無綫,問到宣萱可會趁機重返無綫拍劇?她表示:「暫時啲工作已經排到去年尾,遲啲先算,暫時未有時間。除非公司想搵我,有啱嘅故仔、角色咪做,錢就係其次,都預咗咁架喇,ok就得。以前都係contract出咗啲問題,依家都係拍吓啲鍾意拍嘅嘢,呢套都係因為同消防員有關,所以就即刻應承做。」
講到最近有很多電話騙人訊息,內容是指另一半拍了裸照,如果想看就按入去網址,而按入去就會被盜取銀行資料,對此宣萱表示沒有收過這些訊息,問到如果收到她可會按入去看?她表示正常會先問男友,之後笑言:「都有可能會撳吓條link睇吓。」