韓國特訓血淚史　As One壓力爆煲喪喊

女子組合As One，四位成員蘇皓兒（Chloe）、陳嘉茵（Kayan）、Shin和Nata出席電台訪問，宣傳新歌《Candy Ball》時，透露於上月正式在韓國出道，新歌更打入韓國音樂排行榜，四人今次回港宣傳後，9月就要回到韓國製作新歌。問到Nata及Shin跟兩位新成員在韓國相處如何？兩人即大讚Chloe和Kayan，隊長Shin笑言：「佢哋好可愛，第二次見面已經係喺機場見。去到韓國日日對住，一齊訓練，已經變成好姊妹！」但4人都坦言在韓國的訓練過程非常辛苦，更因壓力爆煲而爆喊，Nata說：「去到第一個星期又掛住屋企，加上有啲吃力所以爆喊，不過之後適應咗就冇事！」Shin指自己身為隊長，所以冇喊得咁勁，要頂住。至於問到可有在韓國瘋狂shopping？四人表示只有3小時血拼，各人都在時限內狂掃衣服。