佘詩曼認豪花3千幾萬置業：裝修費都唔平

藝人佘詩曼、張智霖、陳喬恩、薛家燕等出席《十月初五的月光》電影版煞科宴，大會筵開20席，並加設抽獎環節，場面熱鬧。其中，莊思敏更以露背裝到場，十分吸睛！

多間公司爭住簽約

視后阿佘坦言明年2月將約滿無綫，但否認因推劇而「加監」4個月：「張約一直都係明年初完嘅，依家都好似放假mode，但要諗喇，簽邊間最緊要睇前途，想喺電影方面多啲發展。」講到有傳恩師梁家樹有意簽她，阿佘否認：「有幾間傾緊，但佢冇搵過我。（邵氏諗唔諗？）係有傾過嘅，佢哋嚟緊都會有好多製作。」

豪掃西貢單位自住

她坦承去年年底花了3千餘萬於西貢購入相連單位：「用嚟自住，因為媽媽想同我、哥哥一家一齊，依家裝修緊，未知幾時入得伙，但裝修費唔平，要努力搵錢喇！」

開聲講到恨嫁

至於講到被拍得孖男生去泰國拜神，阿佘謂：「去還神，求平安啫，當中有男有女。（轉運？）唔使，我不嬲都幾幸運。」談到感情生活，她忽然「唉」一聲，記者問她是否想嫁？她笑說：「等待中，我都想呀！」