傳逼走徐子珊　高海寧愕然：我只係小職員

藝人郭偉亮（Eric Kwok）及高海寧（高Ling）現身半島酒店，出席「太興擴展亞太機場宏圖」啟動儀式。高Ling受訪時表示今次雖然冇坐直升機，但之前拍攝飲食節目時有搭過，覺得好興奮，仲狂影相添。

提到徐子珊即將約滿，高Ling指自己依兩個月閉關拍劇，所以沒有留意新聞。談到有指高Ling有份逼走子珊，她即驚訝地說：「吓？又關我事？我冇咁大權，我喺公司只係一個小職員。（係咪多咗演出機會？）係多咗機會，我自己都好畀心機去演，唔想令監製失望。」

另談到熱爆全城的「40萬求婚」事件，高Ling直指覺得浪費金錢：「我哋班女仔都有講依件事，好多都覺得寧願粒石大粒啲，浪漫嘅嘢一閃即過，添多少少都畀到首期。（如果有人咁向你求婚？）都開心嘅，不過邊有咁着數嘅嘢？」問到高Ling心目中嘅理想求婚方式，她直言如果跟對方相愛，就算對方如何求婚都會答應，不過自己就覺得求婚係兩個人嘅事，無需太張揚。