夏水禮！黃智雯DIY露膊Tee「峰」殺眾小花

20150806
  • 東網電視
    更多新聞短片
    黃智雯搶晒「峰」頭！
    夏日真係為大家帶嚟咗好多「乳」「水」。繼《猛龍特囧》今日搵嚟一堆有料之人，舉行咗一個水上激戰外，無綫劇集《拆局專家》亦喺黃竹坑某酒店玩泳池水戰宣傳，令到一眾宅男嘅雙眼真係好唔得閒。
    不過大家唔好太開心住，喺另一個宣傳活動度，雨僑、網絡紅人Kisa、鄧洢玲等都着得好性感，但係喺呢個宣傳活動度，一眾靚女就着得好密實，包括「雙朱」朱晨麗、朱千雪，張美妮等，不過佢哋都有晒吓長腿，令大家有番啲安慰。
    想眼睛吃冰淇淋，焦點一定要放喺進擊的黃智雯度！佢好醒咁事先DIY咗件活動Tee，令原本平平無奇嘅宣傳服，變成大露膊，仲外露埋螢光黃色泳衣帶，變得非常性感，成功突「圍」而出！
    而泳池水戰嗰陣，黃智雯亦玩得相當忘我，愈玩愈high，同錢嘉樂玩得興起時，更連事業線露出鳥都唔知，仲要擺出一副我見猶憐樣，真係鼻血謀殺指數極高。
    而其他小花雖然性感欠奉，但就投入搭救，張美妮玩到雞飛狗走咁款，而朱千雪就玩到坐晒地，真係咩百態都有。