葉璇愛高調冰場攬仔玩自拍

成功打入大陸市場的港星葉璇，與大陸形象指導男友小默先生在上海拍拖欣賞冰上表演，二人愛得高調，當被發現拖住入場後，更肆無忌憚公開攬到實。表演開場後，二人全程糖黐豆，由於室內寒冷，小默先生不時用手攬實女友送暖，至於愈睇愈肉緊的葉璇就表情多多嘟晒嘴，完騷後更拖埋小默先生衝落場玩自拍，點知畀小朋友包圍集郵。