鍾嘉欣爆新劇同黃宗澤有勁多咀戲

藝人鍾嘉欣及黃宗澤（Bosco）等，於電視城為無綫劇集《警犬巴打》拜神開鏡。期間嘉欣更拿起用作拜神的提子「餵食」Bosco，表現親密！

嘉欣受訪時稱呼Bosco為「波波」，更大爆要與對方拍攝連場咀戲：「今次第三次同波波（Bosco)合作，劇中有好多咀戲，但都係簡單咁蜻蜓點水。（唔夠喉？）夠喇！」於劇中擔任獸醫的嘉欣笑言於劇中遇到拍劇以來最饒口的複雜對白。談到與狗狗做對手戲，嘉欣大讚牠們好乖和好叻，又笑言自己要打醒精神，表現不能輸給狗狗。

談到有指無綫有意找來緋聞男友陳展鵬及其男友伍允龍與她合作拍劇，嘉欣說：「冇呢回事，好多人問我，但我完全冇聽過（消息）。」問她可會抗拒與伍允龍拍劇？嘉欣表示會聽從公司安排：「有工作唔會抗拒，公司畀咩我做咩，係合約精神。」

提到有指徐子珊將約滿外闖，嘉欣表示曾聽聞新聞，但未有詢問對方此等個人問題。問她有否外闖的念頭？嘉欣力指無綫為極好的平台及訓練中心，而且自己尚有合約在身。與公司合作愉快的她又明言若有緣份及時機，亦不會抗拒外來的機會。