石詠莉激讚男友：係我嘅Iron man

剛推出發燒專輯的石詠莉（Sukie）和呂珊，下午現身會展音響展，分別舉行《聽聽Sukie's簽唱會》和《弦來最愛簽唱會》，其中Suki稱今次全程獲男友鄧健泓（Patrick）在旁打點，她笑言：「佢係我製作人，係我嘅Iron man。」不過Patrick在女友受訪時就未有出現。

談到男友，Sukie即流露一臉幸福：「佢好細心，幫我處理好多嘢。」問到何時計劃拉埋天窗？她說：「咁又未，不過快架啦！」同時又稱今次專輯成績理想，希望稍後有機會繼續製作新專輯，同時又稱希望有機會跟男友合唱。

而呂珊則稱今次除為早前的演唱會大碟做簽名會外，亦同步推出一隻她向黃霑致敬的翻唱大碟，珊姐表示：「其實隻碟我想做好耐，但霑叔過身時市面有好多向佢致敬嘅作品，所以我等依家先推出。」