周杰倫撇低「小周周」　同小美人魚合影

剛做人老竇嘅周杰倫（周董），早前喺8月8日台灣父親節時，大騷抱住「小周周」嘅溫馨合照，但就未睇到「小周周」正面。

而周董好友劉畊宏就喺微博甫咗一張周杰倫與一個着住美人魚服裝嘅小女孩合影，並留言：「釣到一隻萌萌的美人魚。」咁到底個細路女係邊個呢？原來係劉畊宏細女，照片中戴住黑帽扮cool嘅周董非常嚴肅，而隔籬嘅小女孩都一臉悶悶不樂，令人不禁感到有一種唔和諧嘅感覺！