謝安琪心郁結婚十周年再影婚紗相

歌手謝安琪（Kay）在電台訪問中講到與老公張繼聰的關係，她表示外間認為他們很合拍，但其實兩人性格非常不同：「佢逼得自己好緊，我就好放鬆，雖然我哋會互相取笑對方，但我哋都好珍惜我哋唔同嘅地方！」提到她今年入行十周年，亦意味着與老公相識十周年，問到會否有任何慶祝活動？Kay說：「佢比較多心思，我就好懶，冇諗要點慶祝。不過如果結婚十周年嘅話，我會想再影婚紗相，留低啲唔同嘅紀念，因為十年可以有好多變化，可以一齊到十年係唔容易嘅事！」