鍾舒漫學揸飛機　麥美恩坐到嘔

無綫娛樂台主播麥美恩（Mayanne）早前到家鄉溫哥華拍攝節目《3日2夜》，由於對當地非常熟悉，故出發前特別為節目進行資料搜集，更找來了歌手鍾舒漫（Sherman）任其中一集嘉賓，雖然平日甚少採訪對方，但沒想到兩人一拍即合，玩得相當瘋狂，非首次到當地的Sherman，於Mayanne帶領下四圍去，終可真正體驗當地文化。

期間Sherman更有學習揸私人飛機，不過坐於後排座位的Mayanne卻表現驚慌，她謂：「因為機師好快就放手Sherman自己揸，佢仲去玩自拍影Sherman，拍之前大家有輸賭邊個會嘔，點知最後嘔嘅係我，好瘀皮，但Sherman就好興奮，學完第一時間上網話畀大家知，佢覺得自己好威水架！（你有冇興趣學?）我比較想學追Cool魔多啲！」而大隊還有到歷史悠久的Capilano Bridge吊橋取景，亦有到漁人碼頭吃新鮮海膽，她謂：「成塊面咁大嘅海膽，真係都幾唔正常，兩個人都食唔晒呀！」