唔急結婚　宣萱生日喪食自嘲「打回原形」

藝人宣萱到電台接受劉美娟訪問，她表示1993年入行第一份工、第一個拍檔就是與美娟合作節目《K100》：「嗰時公司利誘我簽約就係話簽完就有工開，我最驚要上堂，又要上訓練班。嗰時大家好單純，好開心，好似小家庭咁，冇競爭，同做咗Drama好唔同。」

問到做花旦後是否競爭很大？宣萱說：「我自己就冇競爭嘅，但會複雜好多，唔知人哋點睇你，但同《K100》拍檔咩都講得。」

美娟表示宣萱是拍攝一輯朱古力廣告入行，當時得知有機會與宣萱合作興奮不已：「公司同我講有個新人會加入，見到佢我即刻話『正呀！』，佢個廣告好吸引到我，好有氣質。」

問到宣萱為何不繼續向司儀界發展？她自嘲沒有主持天份：「到依家都冇，錄影節目都Ok，因為講錯嘢可以再嚟過，當年我個嘴快過個腦，做Live講錯嘢就唔得。」她猶記得當年被公司欽點做大型節目《星光熠熠耀保良》的司儀，緊張得失眠作嘔，幸有鄭丹瑞幫忙執生。

提到她即將45歲生日，宣萱大呻早前辛苦減肥，但為了與朋友食飯慶祝，隨即「打回原形」：「我一食嘢就失控，早幾日喺山旮旯地方拍《火速救兵》，有消防員買咗啲雞髀包，我食完之後到放飯又再食，有個女消防都話我好犀利，之後有人買咗豬手，我又食，惟有唔食晚飯。」

她表示生日願望是開開心心，身邊朋友身體健康，問到會否想很快嫁人？她笑言：「唔使啦！呀！唔係唔使！係隨緣，都唔趕啦，過晒啦。」