陳慧琳用脂肪抗皺紋：肥係好嘢

歌手陳慧琳（Kelly）接受新城電台主持林柏希訪問，大談即將在十月推出的新專輯《Let's Celebrate》。原來Kelly出這張專輯是想跟歌迷一起慶祝出道二十年，感謝他們一直支持：「歌迷支持咗好多年，想大家一齊慶祝，多謝粉絲支持咗咁耐，我之前完全冇諗過入呢行，仲可以有咁好嘅成績。尤其係生完小朋友之後，仲有人支持自己，真係冇諗過。」

養顏靠做運動管理飲食

當被讚出道二十年依然保養得出奇地好，問有何秘訣？她說沒有特別保養，只會做運動和管理飲食，更自爆是「包包臉」，Kelly笑說：「面上有脂肪幫助撐住皮膚，咁先會比較少皺紋，肥係好嘢！」她對自己的外表滿意，毋須注射美容針，但如日後有需要的話，也不會抗拒。

大方回應纖瘦身形猜測

坊間對Kelly維持纖瘦身形的猜測，例如根本沒有生孩子，她毫無顧忌地大笑回應：「我梗係有聽過啦！唔係我生，唔通我老公生咩！」

如果冇入行會生多幾個

談及二十年前的自己，Kelly笑說：「當時自己好傻，對自己嘅工作茫然不知，唔太識得待人處事之道，只跟住公司指示去做。」如果沒有入行，Kelly表示可能一早就結了婚：「個仔會大個啲，生多幾個。」她又指，現在還喜歡平面設計，對演唱會舞台和服飾設計也會提出意見，如果沒有當歌手，現在大概會從事跟平面設計有關的行業。