謝婷婷唔信爸爸會亂打人：一定有佢原因

藝人謝婷婷在九龍灣接受訪問時，談到昨日爸爸謝賢為無綫《四個小生去旅行》宣傳時出手打曾江，她指收到消息時正在拍攝廣告，之後有觀看片段，她表示未能聯絡到爸爸了解事件：「佢唔係一個慣打交嘅人，打畀佢佢唔聽，唔知係咪講緊或者熄咗電話，可能太多記者打電話畀佢。」婷婷更直言不相信事件是宣傳手法。

問到她小時候有否被爸爸體罰，她就指通常是媽媽：「（爸爸）未試過打我，因為爸爸隻手都幾厚，如果摑我我頭都甩。」她透露今日都會繼續致電爸爸：「其實都唔需要打（電話），佢係一個大人，佢一定有佢原因，（打畀佢）係一個責任嚟。」又謂有次媽媽狄波拉向謝賢呻謝霆鋒在學校打架，當時謝賢的回應是「幾叻吖，我都未打過」。

同場的郭偉亮亦力撐謝賢是講理由的人：「佢做一件事一定係好有理由，真係要東邪先可以令佢出手。」又指謝賢是「宇宙最型」、是「Rockstar」。

談到侄兒Quintus入院，婷婷表示會短訊哥哥了解事情：「我都係靠你哋（傳媒）先知，因為我尋日全日都係工作。」