黃國桐指謝賢或涉普通襲擊罪

昨日謝賢在《4個小生去旅行》記者會上，突然出掌摑曾江，令曾江的助聽器飛脫，連夾在中間的胡楓亦被打至眼鏡飛甩。

謝賢公然襲擊曾江，到底會否被控告，或令警方介入，黃國桐律師指要睇被襲擊者有否報案投訴：「冇投訴人，警方唔會介入。要睇番曾江，被打本人覺唔覺得身體上受到威脅，因為只係打一下，又唔係打到豬頭咁，可以係玩。」問到若曾江報警，謝賢會涉及甚麼罪名，黃國桐說：「好輕啫，最高都係普通襲擊，一般都係罰款，罰幾多錢就要睇情況。」