黃宗澤晒強勁臂肌冧暈港女

藝人黃宗澤（Bosco）自從去年與名模楊崢分手後，感情一直未有着落。仍然單身嘅Bosco唯有專心操肌，以肌肉吸引異性！近日就有傳Bosco成功吸引到前港姐季軍朱千雪，兩人因拍攝劇集《警犬巴打》而傳出緋聞，喺片場上不時細聲講大聲笑！

吸引到異性嘅Bosco，當然更落重心機繼續操肌，佢仲喺網上大晒成果。佢孖住前香港先生陳志健齊齊騷出手臂肌肉，並留言：「練到手軟，就是要這個效果。」至於陳志健都附和：「強勁！」雖然相中兩人只騷出側面，但一對強而有力嘅臂彎，令一班港女睇見都感受到咩叫「安全感」，不禁令人冒起心心眼呀！