【情變？】伍允龍同嘉欣一段時間無聯絡

藝人伍允龍在將軍澳電視城參與無綫新劇《城寨英雄》武術訓練，不過首次為無綫拍劇的他就直言無懼開劇的辛苦，笑稱拍電影亦然，更稱對上一次拍電影需演出兼做動作指導，令他清減了之餘亦周身傷，他說：「又骨裂，個膝頭哥又裂，又爆眼，又腸胃炎。（問有沒有向緋聞女友鍾嘉欣取經拍劇？）無，大家都有一段時間無聯絡。（怕在電視城與嘉欣碰頭？）唔會，撞到朋友係唔會驚。」

問到他需與鍾嘉欣的另一個緋聞男友陳展鵬同場拍劇會否尷尬？他笑言：「我都係圍讀嗰次先係第一次認識佢，覺得佢非常好，好客氣，相信都會合作愉快。（有傳最初搵鍾嘉欣做女主角？）唔清楚呀。（會否怕與嘉欣合作拍劇？）監製叫我同邊個合作我都會努力做，好似今次我同劉佩玥合作都好開心。（你同嘉欣嘅關係完結？）我哋係朋友。」