四川恐怖蠟像館　鞏俐章子怡變村姑

四川山明水秀，旅遊景點多，九寨溝、都江堰、樂山大佛、峨眉山去臥龍睇熊貓，真係冇一頭半個月長假都行唔晒，而啱啱又一個新景點出爐，就係華鎣山中外名人蠟像館喇！開幕不久即聞名全國。

蠟像館裏面粒粒都係巨星，製作呢批蠟像嘅作者充滿個人風格，「重新打造」成龍、周杰倫、周星馳、李連杰、金秀賢、張曼玉同茱莉亞羅拔絲等巨星，蠟像披頭散髮配上80年代衣着，滿身油膩，充滿鄉土風情！國際級女星章子怡、鞏俐慘變村姑，我見猶憐，如果唔係有個名牌寫住佢係邊位巨星，包保你估佢唔到。

對於蠟像慘不忍睹，章子怡的經理人表示並未授權蠟像館使用子怡的肖像，可能會發律師信要求蠟像館拿下子怡的蠟像。而鞏俐的經理人看過蠟像後，更直呼太恐怖！