徐子珊年底完約　無綫接Job接到出年

藝人徐子珊及導演吳家麗到旺角為新片《有客到》謝票，子珊大讚新片宣傳橋新穎，令優先場客似雲來。

子珊被問到與無綫續約有否新進展，她說：「未，呢輪都係忙返學，未有時間諗，短期內都唔會決定住，返學真係好忙，我啲同學笑我，話要着晚裝返學，因為日日有記者喺度等同影相。（幾時先做決定？）都唔急嘅，公司一路有同我傾偈，一路有幫我接工作，接到明年2月，合作關係良好，唔擔心。」

對於有指杜琪峯及曾志偉皆有意羅致她，子珊說：「吓？點解我反而唔知嘅？（有冇接觸過你先？）咁耐以嚟梗有接觸過，（最近呢？）唔同單位都傾過吓，唔想做決定住，（有指邵氏都想簽你？）係其中一個選擇，但未諗清楚，（今後只拍電影唔拍劇？）我以前都試過拍劇又拍戲，我唔使咁快封自己後路，慢慢畀啲時間啦，我合約今年完。（無綫仲幫你接出年工作？）冇所謂㗎，公司都錫我，我哋關係良好。」