王浩信甘為妻女做樓奴

藝人王浩信在無綫劇集《樓奴》中孭上一身樓債，為供樓還息攪盡腦汁，正宗為樓死為樓亡。而現實生活中他亦與大多數香港人為一個安樂窩而煩惱：「但我自己仲慘過個角色！我連做『樓奴』都未達標呀，我仲儲緊首期！」離首期尚有2/3距離的他，就坦言自己目標不高：「500、600呎，上咗車先啦！」更慶幸自己不像角色須在夢想與現實間選擇：「咁我好好彩自己份工已經係我夢想，我省卻咗最痛苦嘅過程。」其實拍攝完畢，他見到角色能捨棄樓奴枷鎖，就反覆思考到底上車是否必經之路：「我以前反而冇咁覺得必要，依家真係有咗個家就覺得好必要。」希望由租客升呢做業主。

香港不少人都投資股票加快儲首期速度，但王浩信就直言怕怕：「我媽媽做保險，基金、保險上嘅投資佢有幫我做，亦有教我做。但股票呢啲高風險嘅，喺我嘅情況就同倒錢落海冇乜分別。」又指老婆陳自瑤比自己更熟悉股市行情，所以讓她全權管理。為報答老婆持家有道，他希望Dream House能夠為她設置私人衣物間：「呢個係佢個夢想，同時我又想佢有一個好好嘅煮食天地。」雖然離置業終點尚差兩步，但懷抱着老婆和囡囡的愛，他經己感覺心滿意足：「好老套咁講，一個屋企最緊要係人，齊人就邊度都係屋企。」