荀盤出招　馬國明預告約女同事去街

藝人馬國明（馬明）錄影無綫節目《活得健康嗎？》，透露頸椎有少許向前傾，故需要多練頸部肌肉，問到是否經常玩手機所致？他說：「都有少少影響，望手機成日耷低頭，呢啲係都市病，好在平時多做運動，我又冇隱疾，但試過膝頭、膊頭甩骹，依家膊頭扭到去某個角度就冇力。（影響拍動作戲？）自己會就，用右手或者用身體就番，好在冇太大問題。」他指平日很健康，不時去打波、踢波，不用開工就會早睡，除非有足球比賽看。

馬明又謂剛享受完近兩個月的假期，稍後會飛赴內地、澳洲、新加坡、越南等地登台，暫時無需拍劇的他笑稱可趁機搵外快：「當避暑囉，回想之前夏天拍古裝黐頭套嘅慘況，有個夏天畀我放吓假、唔使拍劇，我當唞吓、回吓氣，養番好身體再搏殺。（有趁放假約女仔？）暫時未，嚟緊睇吓有冇機會約吓女同事或女性朋友去吓街啦。」