獲168萬觀眾追捧　謝賢驚嘆咁犀利！

近期成為熱話的無綫節目《4個小生去旅行》首集平均及最高收視錄得26點，全晚約有168萬觀眾坐定定收看，成績比起2013年播出的《3個小生去旅行》的首集收視更佳。

藝人謝賢接受《東網》訪問時大讚厲害，又希望收視繼續向好：「咁犀利？（睇咗未？）未睇，不過網上好易睇番！（滿意首集成績？）希望繼續好落去！（期望收視衝到30點？）冇期望呀，大家鍾意就得，最緊要觀眾滿意！」

拉姑應該返咗嚟

此外，提到泰國曼谷發生爆炸事故，謝賢透露平日喜愛到泰國旅行的狄波拉（拉姑）已經返港：「發生爆炸咁陰公。（拉姑鍾意去泰國玩？）佢應該返咗嚟啦！」