【衣錦還鄉】陳慧敏澳門開個唱

澳門歌手陳慧敏到電台宣傳九月在澳門舉行的個唱，她表示今次是首個售票的音樂會，問到是否衣錦還鄉？她笑說：「都唔算還鄉嘅，我冇離開過屋企，但好多澳門朋友問我，點解去咗香港發展後咁少返澳門，其實我想講澳門始終係我嘅家，我冇遺忘自己係澳門人。」

慧敏表示已邀請親朋好友到現場睇騷，不過擔心香港朋友要花錢買船飛過大海，所以希望盡快舉辦香港站。她透露有向公司商量開香港站個唱，但由於最近忙於宣傳電影及音樂會，所以先完成手頭上工作再作打算。

在《超級巨聲》曾以一曲《歲月的神話》響朵的慧敏，本想邀請原唱者羅嘉良擔任個唱嘉賓，不過最終因時間不合而未能成事。但她透露今次個唱為慈善機構籌款，幫助有語言障礙的小朋友，而這班有語言障礙的小朋友屆時亦會上台唱歌。慧敏說：「我去探訪佢哋，冇諗過啲小朋友唱歌可以咁好聽，好活潑。知道坊間對呢個病認識唔太深，其實除咗對小朋友成長有影響外，佢哋嘅家長都好大壓力，好容易有心理病。」