咁快？黎耀祥恨抱孫恨出口

無綫藝人黎耀祥一向人緣甚佳，日前他應富豪酒家老闆翁生（翁仰光）的邀請，出席翁生孫兒的百日宴，祥仔表示：「翁生不嬲都好錫我哋，成日都會搵我哋食飯、傾偈，特別佢今次抱男孫，我知佢係潮州人，添個男孫真係好開心，見佢同翁太嗰日都好開心。」

問到祥仔及太太會否恨抱孫時？祥仔笑言：「我老婆不嬲都鍾意細路仔，都想快啲抱孫，不過我個仔又仲細，但如果我哋生多個仔，年紀又好似大咗啲，驚力不從心，所以想有小朋友都係等個仔娶老婆先，我老婆都話，如果佢有埋孫湊，咁人生就完美。」