「福布斯冰冰」做到凌晨先開餐

內地女星范冰冰日前獲權威財經雜誌《福布斯》選為去年6月至今年6月期間全球最高收入女星第四位，激賺2100萬美元（約1.78億港元），成為18位中唯一一位華人女星代表！吸金力驚人嘅冰冰工作愈做愈有，尋日仲開工開到凌晨，認真博命！不過，啱啱收工嘅冰冰睇落仲非常精神，收工之後仲約埋其他工作人員開餐，期間又不忘單眼自拍，大派粉絲福利，並於微博發文高呼：「終於收工！可以吃了。」