王菀之自嘲係宅女　靠食零食減壓

藝人王菀之（Ivana）為香港乳癌基金拍攝廣告，她以多個不同造型現身，包括一邊看電視一邊暴吃零食的宅女、工作忙碌而精神壓力大的白領OL、不餵母乳的媽咪以及未有關心乳癌風險的銀髮一族。

時常自我檢查防癌

Ivana表示拍攝後對乳癌風險的認識大大提升，她直言：「我向來都有關注乳癌嘅意識！事關我媽媽係一名護士，耳濡目染，我自小就有自己健康自己負責嘅意識。患乳癌唔係講彩數，而是同飲食及生活習慣息息相關，有健康嘅飲食同生活習慣自然可減低風險。」她自言有自我檢查和定期檢查的習慣。

最鍾意攤梳化食零食

Ivana又自嘲廣告中的「宅女」藍本其實是她本人：「宅女造型嘅設計參照我之前喺電視劇嘅角色，現實中嘅我好為食，偶爾會攤喺屋企張梳化，一邊睇戲一邊食零食，不過我會適可而止，懶一陣就會積極運動。」

藝人工作繁重，未必有時間每天做運動，Ivana表示每當自覺壓力快要爆煲的時候總會休息，容許自己甚麼也不做。