新婚的藝人黃穎君（Burmie）稍作休息後，即繼續密密接job。她日前忙裏偷閒跟童星鄭耀軒（軒仔）學彈小結他，期間Burmie一見到小朋友即刻母愛大發，相當有愛心！眼見她以鬆身裙示人，其身型明顯圓潤不少。

問到Burmie是否有喜？她即隱晦暗示：「你都講咗話明BB會小氣，仲問？（咁係咪默認先？）係嘅話，到時實話畀大家知既！」Burmie又笑言希望仔女日後有音樂細胞：「軒仔學嘢好快，仲催番我轉頭。希望第時嘅BB唔好似我音樂感咁差，呢方面似爸爸好啲，個樣似我ok。（咁BB係女嚟？）唉，畀你哋激死。」

至於Burmie近日參與拍攝電視劇《爸B有話兒》，劇中化身媽咪的她坦言被大班小朋友演員嘈到頭暈。提到此舉可趁機預習湊Ｂ？Burmie就說：「唔好喇，你想生一支足球隊咩？唸起都頭痛。呢啲嘢順其自然啦，唔好咁大壓力。」