曹敏寶想同粉絲多啲互動

20150824
東網電視
更多新聞短片
曹敏寶話想多啲同粉絲傾偈。
歌手曹敏寶(Abo)到電台宣傳第二隻發燒碟,透露新碟講述關於感情的疑問,自己參與了新碟八成製作。她又自爆上年出第一隻發燒碟時跟監製吵大架:「因為我好主觀,佢又係,大家意見唔同,令監製覺得我好唔聽話,同公司講話唔想幫我出碟,我後尾都反省過,我都同佢講番係因為我覺得同佢friend所以先咁直,所以後尾都冇嘢,第一隻碟都賣得唔錯,而第二隻碟仲賣得好過上年,所以如果我冇同佢好番,我就唔會出第二隻碟。」
Abo亦透露想更多人年輕人能接觸發燒碟市場,而新碟亦收到很多年青人的正面評價,非常開心。她亦講到由於之前兩隻碟主要都是翻唱別人作品,故稍後有意唱自己的歌,但以發燒碟音質製作的唱片:「因為一聽過高音質就番唔到轉頭,不過我諗短期內唔會做到,等我喺發燒碟市場再紮實啲先。」她亦透露有意舉行小型音樂會跟歌迷見面:「我最想唱歌之餘,都可以同粉絲傾偈,想同佢哋多啲互動,想親切啲,好似家庭式,我唔介意一邊食嘢一邊唱歌。(想幾時開?)睇公司,盡快啦,作為發燒歌手希望可以有多啲出台機會先可以愈嚟愈好,同埋我都想公司幫我拍隻MV,因為平時啲人聽我把聲就多,見我把聲就少,所以想拍MV可以親民啲。」