被寸唔錫老婆 謝賢節目預演摑曾江
20150825
東網電視
更多新聞短片
原來喺節目中謝賢已經摑咗曾江，全因對方提起老婆！
藝人謝賢、胡楓、曾江和Joe Junior在節目《4個小生去旅行》第八集中，到訪聖彼得堡和尼華河遊覽，又到了遊樂場玩碰碰車、射槍和射水扮救火遊戲，事後謝賢主動替曾江抹頭上的水。節目中，謝賢和曾江狀甚老友並肩而坐坐在河邊欣賞風景，謝賢道：「邊個話我哋會打交？」工作人員謂：「咁你錫佢一啖！」謝賢即走開表示：「唔錫，鞋拾拾。」
曾江寸謝賢冇老婆
期間，胡楓表示他們四人都錫老婆，謝賢插嘴：「我邊有老婆？」胡楓再說：「你有老婆嗰時唔錫咩？我知架！」曾江再說：「錯呀，如果佢識得錫老婆，依家就有老婆啦。」謝賢即說：「你講咩呀？咪講呢啲得唔得。」曾江即示意不會再講，謝賢再說：「你唔會怪我架呵？打吓都唔會怪架呵？」隨即一巴掌打落曾江度。
Joe Junior被謝賢打過？
玩水上活動時，Joe Junior未能成功需要工作人員協助上水，他說：「頭先真係驚架。」期間Joe Junior笑言謝賢打過他三次，其後改口指是錫過他三次。而曾江在遊樂場時有坐輪椅，但亦有上台跳舞。