近日圈中有唔少準媽咪，除咗現時佗緊第二胎約八個多月嘅藝人湯盈盈，就連佢身邊嘅好姊妹姚樂怡、鍾麗淇（Margaret）都係準媽咪之一！呢日佘詩曼、梁靖琪、文頌嫻、姚樂怡及周家蔚，就為湯盈盈同鍾麗淇喺酒店安排一個舒服嬰兒浴，盈盈急不及待喺網上感謝姊妹們嘅安排，佢話：「感激好姊妹們在酒店為我同Margaret安排可愛的嬰兒浴，來慶祝我們肚裏有小寶寶！」佢更大騷靚相晒幸福，除咗同好姊妹合照，湯盈盈更換上tube-top晒巨肚，手執多個氣球嘅湯盈盈展現燦爛笑容，似乎玩得非常開心。