莫可欣以慧妍雅集 TES 2015項目主席現身，她表示活動籌備約一年，現在可鬆一口氣，獲老公方中信支持：「活動出發佢有嚟送機，等佢知道我成日開會做乜。（佢詐型？）係，覺得我少陪小朋友，所以帶佢去睇，男人都係小心眼。佢都喺橫店三個月，橫店好多靚女，唔擔心咩，係講互相信任，婚姻都係講條命。」她亦大讚老公好專一：「佢定力好，但係有誘惑。（佢經常匯報，有冇誘惑？）佢會輕鬆講，唔知幾多成係真。（你好命！）我負碌。（有傳過？）有，但係借佢宣傳。方生都好嬲。（百分百信任佢？）唯有，太多心，令佢仲煩，放鬆。而且我哋有個女，唔同。」